CL Gaditanus

       Sodalibus condiscipulisque omnibus salutem plurimam!

     Vos commonefacimus conuentum quem annuum moderatores Societatis  c. n. ”CulturaClásica.com” conuocant, hoc anno celebrabitur a die 5º usque ad diem 7um mensis Aprilis, diis superis uolentibus, in oppido Malacitano, quod Latine “Anticaria” uocatur, Hispanice autem “Antequera”.

   Inter alias optimas orationes et officinas habebuntur de Latina Graecaque lingua acroases Saturni die 6º mensis Aprilis hae:

9.30 h. Gerardus GÚZMAN (Professor Academiae ‘Vivarii Novi’  et Vniuersitatis Studiorum Salesianae Romae): “Ἐξήγησις: cómo explicar los autores griegos en griego”

10:45 h. Sigrides ALBERT (Sociologa et Lexicographa et Latinista Vniuersitatis Studiorum Sarauipontana): “Cottidie Latine loquamur”

12:30 hs. Christophorus MACÍAS (Moderator Instituti Philologiae Latinae Vniuersitatis Studiorum Malacitanae) – Antonius ARQUILO (Diurnarius): “Noticias en Latín desde Radio Torcal“

COLLOQVIVM DE NVNTIIS LATINIS:

Ioannes J. CIENFUEGOS (Circulus Latinus Xerensis)

Rodericus PORTELA (Circulus Latinus Vallisoletanus)

Ansgarius RAMOS (Circulus Latinus Legionensis)

Alexandra RAMOS (Vniuersitas Gaditana – Circulus Latinus Gaditanus)

Iosephus A. ROJAS (Circulus Latinus Gaditanus)

Georgius TÁRREGA (Vniuersitas Valentina-Circulus Latinus Valentinus)

Paulus VILLAOSLADA (Circulus Latinus Matritensis)

Conuentus Anticariensis 2013

Valetote pancratice!

*

Praemium Primum anni academici  2011-12

Vos certiores facio propositum illud cui nomen “Sal Musarum” dederim, Praemio Primo cohonestatum esse a moderatoribus Vniuersitatis Studiorum Gaditanae propter eius nouitates didascalicas.

           Erat quidem affabilis, urbanus, comis, alacer et ingenii acumine praeditus. Magno animi ardore Latinitatem colebat et omnibus exemplo erit semper.

           Primum ante omnia faustum et fortunatum nouum annum MMXIII uobis precamur sodales Circuli Gaditani. Ecce uobis omnibus ad annum dextro pede incipiendum fabula cinematographica maxime commendabilis c.t. ARMILLA quam sodalis Alexandra, postquam nouissimum librum Valahfridi Stroh legit,  per rete omnium gentium quaesiuit et repperit.

 ARMILLA. Lateinischer Sprachlehrfilm. Wilhelm Pfaffel (Hrsg.) CCBuchner. EAN: 9783766195906 (ISBN: 3-7661-9590-5) 53 Seiten, DVD, 14 x 18cm, 2005.

            Cras circa meridiem uos exspectamus in scriptorio academico numero XXVI ad Latine loqui legereque pergendum. Adeste frequentes curis uacui! Interim uobis offerimus partem primam fabulae ‘Armilla‘ nuncupatae (Roderico nostro gratias agimus pro nexu quodam praebito) in qua per areas uiasque Romanas hodiernas sese conueniunt et colloquuntur Britanna et Hispana et Itala puellae ac puer Germanus cum iuueni Romano qui iter per saecula temporis fecit atque eos docet linguam Latinam. Etiam cras hanc fabulam spectare simul et de ea sermocinari possimus:

Armilla (Pars prima)

In crastinum!

Cras uos exspectamus loco horaque sueta, id est circa meridiem uel paulo post in scriptorio academico numero XXVI! Nam Lucreti opus euoluere pergemus.

“Num simul ac ratiō tua coepit uōciferārī
nātūram rērum, dīuīnā mente coorta,
diffugiunt animī terrōrēs, moenia mundī
discēdunt. Tōtum uideō per ināne gerī rēs.”

In crastinum!

         Saluete, condiscipuli et amici Circuli Latini Gaditani!

         Sodales Chironiani nos uocant ad cras pipiandum cum Latine tum Graece in pagina retiali cui nomen est Twitter! Propositum enim est et monstrare ac demonstrare linguam utramque admodum hodiernam esse necnon iuuenes comitari.

         Ecce uobis textus conuocationis. Legite et pipiate minurriteque  omnes linguae Latinae Graecaeque amantes et cras et semper!

   In Chirone semper utramque linguam recte docendi rationibus favimus. Post Comenii ætatem, qui jam tunc a nimis grammatica institutione discedere proponebat, methodi quales Orbergiana LLPSI aut illius Rouse Puer Græcus sunt, vel Ἀθήναζε, sæpius in annos (paucos abhinc annos) in scholis nostris usurpantur.

    Non minus hodie, immo magis habeantur oportet nostræ linguæ quod quidem sunt: aliquid vivum, quo utamur, quod quasi tangamus, quibus loquamur. Atro rerum prospectu “lege Wert” in medium prolato, linguam Latinam Græcamque in clariorem scænam ducere volumus, eas sicut sunt, procul a nimio scholarum studio academico in rete ostendere, ut linguas vivas quæ in promptu sunt ad iis utendum, instrumenta ut sermones communicemur. Quod in scæna faciemus a socialibus retibus oblata. Omnibus enim discipulis magistrisque “classicis” quibus consilium placeat suadere volumus “Pipiationi Classicæ” interesse Jovis die XV mensis Novembris in Twitter habendæ, ubi sermonibus utemur Latino et Græco.

    Fac te aliis commendes, nosce homines, disce Latine Græceque sermocinari. Menda, prava grammatica permittuntur! Omnes una discamus! “Pipiatis” nuntiolis tuis pittacium adde #pipiatioclassica ut rem hinc sequi liceat.

Omnibus etiam institutis consociationibusve “orbis classici” suadere volumus rei interesse eamque inter sodales suos vulgare.

      Cras Lucretii librum De rerum natura inscriptum euoluere pergemus circa horam duodecimam et dimidiam in scriptorio numero XXVI academico. Nolite sollicitari de exemplaribus Lucretianis, nam lucis ope paginas descripsi nonnullas quas uobis dispertiam. Hebdomade superiore cum Daniele discipulo Philologiae Classicae initium lectionis cepi quocum  de coloribus quoque garriui.

      In sessione crastina utensilia scholastica rimabimur secundum picturam hanc a magistro Xauerio coloribus aquariis pulchre depictam:

Imago de utensiliis scholasticis a Xauerio Martínez Calvo depicta

Valete bene usque in crastinum!

    Heri DECEM annos natus est Circulus Latinus Gaditanus. Recte legisti: X annos!  Quippe Circulus ianuas aperuit anno 2002, Ioachimo Pascual moderante, et post fere tres annos dormitans, die XVI mensis septembris anni 2009 experrectus est usque ad diem hodiernum! Haud pauci sodales et condiscipuli interfuerunt sessionibus nostris, quorum impraesentiarum alii absunt, alii adsunt, alii occultius, alii apertius, sed omnes animo cordeque propugnant pro usu linguae Latinae. Circulo Latino Gaditano haud pauci amici per rete omnium gentium felicem natalem exoptauerunt. Gratias agimus omnibus.

    Diebus Mercurii (causa maioris ponderis non obstante) circa meridiem nos conuenire pergemus ad Latine garriendum, in scriptorio academico numero XXVI, atque etiam Latine scribere per interrete necnon per epistulas electronicas (si forte aliquis interesse non posset).

     Valeatis quam Latinissime!

    Post ferias aestiuas sessiones Circuli initium capere auemus. Discipuli quidem adhuc periculum probationum subeunt necnon unus aut alter professor Gadibus abest. Quamobrem nescimus an momentum opportunum sit ad nos conueniendos. Vtcumque res sese habet, in scriptorio academico numero 26 inerimus, ut solemus, circa meridiem die Martis ac Mercurii, si forte quis garrire uellet.

    Valeatis quam optime et Latinissime!

           Plura de prima uisitatione legatis quaeso in pagina sodalis Pinarii.

Magistri Eusebii carmina spectant audiuntque inter alios Iosephus Gaditanus et Aprilis Albuquerquensis et Fabricius Francogallicus.
Imaginem descripsit Pinarius Gaditanus

***

 Die Martis 24 alii sodales Academiam uisimus. At  tabella electronica Alexandrae pessimas imagines describit nisi sub diuo sint captae!

In Academia una cum Paulo Villaoslada et Carolo Bogotensi et Roderico Portela et quodam discipulo Francogallico

…

Scholam facetissimam spectauimus ubi discipuli et magistri partes agebant cuiusdam colloquii

…

…

…

Schola musica cum Eusebio.

…

     Post cenam iucundissimam inter quam praeter alios sermocinata sum cum Carolo Bogotensi et Camillo Hispano Amstelodamoque, imaginem filiolus meus descripsit infra appositam in qua apparent apud me Carolus Bogotensis, moderator nempe Gregis Latine Loquentium, et Eduardus M. Engelsing et Rodericus Portela et Aloisius Miraglia et Alphonsus eiusque mirus filius nomine Alphonsulus quindecim annos natus optime Latine iam loquens!

Quam optime comitatam!

Etiamsi imagines haud liquidae sint, nos horas iucundas amoenasque degisse liquet, ut uultus loquuntur alacres:

Carolus Bogotensis omnes salutans et Xauerius Argentinus er Eduardus M. Engelsing et Rodericus Vallisoletanus et Aloisius Miraglia et Alexandra Gaditana et Laura Brasiliana.

Alia plura de diebus Romae persalse deactis enarrabo otiosa.

Valete quam optime!